Outdoor Space Near Field & Playground| Al Ahli Club

أنا عملت حفلة تخرج بنتي بالنادي الأهلي – البركة الصغيرة. الحفلة بحد ذاتها كانت جميلة جداً، بالحضور وبالمتابعة من طرفنا، لكن للأسف تجربتي مع الإدارة، وخصوصاً في النهاية، كانت سيئة جداً. أول موقف: كنت دافعة أكثر من 2,100 دينار، وقبل الحفلة بيوم انضافت شغلة بسيطة أصرّوا ادفع عليها 150 دينار، واتفقنا إني أدفعهم ثاني يوم. تفاجأت تاني يوم اللي هو يوم الحفلة برسالة من منسقة الحفلات كوثر، بتوجيه من مديرها محمد حجلوقة، إنه لازم أسدد المبلغ حتى ما يضطروا “يفصلوا الدي جيه بنص الحفلة”!!!!!! في مكان محترم بالعالم ببعت هيك مسج للزبون يوم المناسبة خاصة انه في اتفاق مسبق والاضافة كلها مش لازم أصلاً تندفع لأنه ما بتكلفهم ولا دينار زيادة! الموقف الثاني: بعد العشاء زادت كمية مهولة من المعجنات، وكانت كلها نظيفة، وخبرت كوثر إني بدي آخدها معي وأنا أتصرف فيهم. قالتلي إنها بتردلي خبر، وما رجعتلي وروحت أصلاً من غير ما تخبرني أو تطمن عالحفلة. وبعد ما خلصت الحفلة، اكتشفت إنهم رموا كل الكمية بدون ما يرجعوا لي أو حتى يخبروني. مع إنه هذا أصلاً حقي، أنا دافعة ثمن المعجنات كامل، وهم ما كانوا قابلين حتى إن الخدمة الإضافية البسيطة تكون for free أو يكون عليها مبلغ أبسط. ولما طلبت آخذ الشيء اللي أنا دافعة حقه، فجأة صار الموضوع “قوانين المحل” وما بصير تطلع المعجنات مع انه هاد الوضع الطبيعي لما تروح تاكل بأي مطعم او أوتيل. ولما ناقشت الموضوع مع مديرها محمد حجلوقة، وصفه بأنه “نقاش بيزنطي” وصار يحكي بأسلوب غير محترم وبحكيلي انا ما أخدت المعجنات على بيتي!! مع إنه الموضوع بكل بساطة كان ممكن ينحل بطريقة محترمة. للأسف، طول فترة التعامل كان التركيز بشكل متكرر على تسديد المبالغ ولا مرة كان همهم انه ننبسط او تطلع الحفلة حلوة او تكون تجربتنا معهم منيحة !وبالنهاية، ما كان في أي تعويض أو حتى محاولة لاحتواء الموقف او الإعتذار بطريقة مؤدبة كان الموضوع خلص. بالعكس، أسلوب التعامل والكلام، كان سيئاً جداً وغير محترم خصوصاً من السيد محمد حجلوقة اللي هو المفروض مدير ولازم الزبون يلجأله اذا عنده مشكلة!